In light of the Programme for Government's objective of 'ensuring improved access to active travel', what measures have been included in the government's plans for the Caernarfon/Bontnewydd by-pass to improve access to cyclists and walkers alongside the road generally and specifically around the Tafarn y Goat roundabout in Llanwnda? W
Mae ein contractwyr a'u hymgynghorwyr dylunio wedi ystyried teithio llesol mewn nifer o ffyrdd.
Drwy ymgynghori â Chyngor Gwynedd a rhanddeiliaid allweddol eraill, nodwyd ac aseswyd cyfleoedd i gadw a gwella'r ddarpariaeth ar gyfer cerddwyr, beicwyr a marchogion. Dylanwadodd yr ymgynghori hwnnw ar ddyluniad y cynllun, a'r dyluniad hwnnw yw sail y Gorchmynion drafft a'r Datganiad Amgylcheddol a gyhoeddwyd. Mae'r ymgynghori'n parhau ac mae'r ddarpariaeth yn cael ei hadolygu'n gyson wrth i'r broses ddylunio fynd rhagddi.
Yn gyffredinol, pan fo cynllun yn croesi llwybrau sy'n cael eu defnyddio ar hyn o bryd, bydd y llwybrau hynny'n cael eu cadw drwy ddarparu amryw o fesurau, gan gynnwys pontydd, tanffyrdd a chroesfannau twcan newydd. Rydym wedi cyflwyno pont newydd, na fydd yn bont ar gyfer cerbydau, dros y ffordd osgoi i'r gorllewin o Bontnewydd, a bydd hynny'n creu llwybr newydd mwy diogel ar gyfer cerddwyr a beicwyr.
Wrth gylchfan Tafarn y Goat, bydd defnyddwyr yn croesi cefnffordd bresennol yr A487 ar groesfan a fydd yn cael ei rheoli â signalau traffig 'Twcan' ac a fydd yn addas ar gyfer cerddwyr a beicwyr. Ni fydd yn rhaid iddynt groesi'r Ffordd Osgoi newydd na ffordd bresennol yr A499 i Bwllheli.